për teatër

Prej themelimit tonë në 2002, ne kemi prodhuar dhe bashkë-prodhuar shumë performanca teatrale, ndër ta: "Fluturimi mbi Teatrin e Kosovës", "Yue Madeleine Yue", "Hipermarketi Patriotik", "Darka e Fundit", "Lufta në kohën e dashurisë", "Udhëtime për në UNMIKISTAN", "Enea 06", "Beni", "Gamomali", etj.

Ne krijojmë performanca teatrale inovative dhe të freskëta që komunikojnë përtej kufijve gjuhësore dhe kulturore, dhe këto performanca sjellin publik të larmishëm në nivelin lokal dhe ndërkombëtar.

Disa teatro dhe kompani me të cilat kemi bashkëpunuar janë: Volkstheater, Vienë; Kompania e Teatrit Markus Zohner, Lugano; Nomad Theatre, Londër; L'Espace d'un Instant, Paris; Teatri Kombëtar i Kosovës, Prishtinë; Bitef Theater, Beograd; CZKD, Beograd; Teatri Oda, Prishtinë; Tearti Kombëtar i Shqipërisë, Tiranë; CTC, Shkup, etj.

Produkcionet tona janë prezantuar në shumë festivale anë e mbanë Evropës, por edhe ne Azi dhe Afrikë, midis tyre: Euro-scene Leipzig, Gjermani; Die Besten aus den Osten, Austri; Via Modena, Itali; FIT Lugano, Zvicër; Zoom Festival, Kroaci; Experimental Theatre Festival, Kinë etj..

teatër

  • Era, Bebushi dhe Xhemi Kaçadremi

    Autore: Dituri Neziri
    Regjisor: Ben Apolloni
    Luajnë:Fitore Broçi, Fjolla Nushi, Labinot Lajçi dhe Gani Rrahmani
    Kostumet dhe Skenografia: Albulena Borovci.
    Ndriqimi: Skender Latifi
    Producent: Arben Zharku dhe Visar Krusha

“Era, Bebushi dhe Xhemi Kaçadremi” është shfaqja më e re për fëmijë prodhuar nga Qendra për Zhvillimin e Teatrit për Fëmijë (Qendra Multimedia) dhe është financuar nga Art Venture dhe Olof Palme.

Era, një vajzë pesëvjeçare i jeton e lumtur ditët e saj fëmijërore me prindërit. Problemet e saj fillojnë kur në jetë vjen motra e saj e vogël, për të cilën Era në fillim gëzohet po pastaj i duket sikur Bebushi po ia merr asaj dashurinë e prindërve. Xhemi Kaçadremi, djaloshi nga përrallat i ndihmon Erës ta përballojë situatën e re nw familje për ta pranuar motrën e saj të vogël. “Era, Bebushi dhe Xhemi Kaçadremi” e autores Dituri Neziri është dramë e cila ka dalur nga punëtoria për shkrimtarë për drama për fëmijë e organizuar po ashtu nga Qendra për Zhvillimin e Teatrit për Fëmijë (Qendra Multimedia). Premiera e kësaj shfaqjeje pritet të jepet në fund të muajit korrik të këtij viti.