Photos by: © Sputnik / Radoje Pantović

Qendra Multimedia organizon diskutim me shkrimtarin slloven Jurij Hudolin me datë 1 qershor 2018 prej orës 18:00 në Galerinë Monet. Jurij Hudolin do të flasë për librin e tij ‘Thjeshtri’ të cilin e ka botuar Qendra Multimedia në bashkëpunim me Poetekën nga Tirana. Libri është i përkthyer nga Nikollë Berishaj.

Në këtë takim, diskutimi do të shtjellohet rreth letërsisë së re nga Ballkani si dhe prezencës së letërsisë shqipe në Slloveni.

Diskutimi do të moderohet nga Jeton Neziraj.

Biografia e autorit

Jurij Hudolin u lind në vitin 1973 në Lubljanë, ku jeton dhe punon si shkrimtar, redaktor, skenarist, gazetar dhe përkthyes. Ka publikuar ndër të tjera vëllime me poezi Če je laž kralj(1991), Ajdbog në ptičvolkkača (1992), Bestije (1993), Divjanje (1994), Prividi nemirnega čudaka(1994), Govori ženska (2001), Ljubezni (2009), Žival në lakaj najdeta ljubezen (2009), Čakanje revolucije në modrosti (2013), Prištinski dnevnik (2015) siedheromanet Objestnost (2005), Pastorek (2008), Vrvohodec (2011), Ingrid Rosenfeld (2013), Osnove ljubezni në zla (2016), librin me prozë të shkurtër Na kolodvorski ulici nič novega (2012) dhe vëllimin me editoriale Pusti ti to (2005). Ka përkthyer mbi 30 libra nga kroatishtja, serbishtja dhe boshnjakishtja, si edhe ka bashkëpunuar për revista dhe antologji ndërkombëtare. Shkrimet e tij janë botuar në të gjitha revistat dhe gazetat e rëndësishme të Sllovenisë, ndërsa ka shkruar skenare për katërmbëdhjetë filma artistik e dokumentar. Librat e tij janë përkthyer në anglisht, çekisht, hungarisht, kroatisht, shqip, serbisht, boshnjakisht dhe maqedonisht. Jurij Hudolin ka marrë një sërë bursash, çmimesh dhe vlerësimesh brenda dhe jashtë vendit.

Monet Art and Books

Facebook event