Shfaqja jonë PRISHTINA. Vrasja e paralajmëruar e një ëndrre do të jepet nesër, më 10 mars, në Teatrin Kombëtar të Kosovës, duke filluar nga ora 20:00.

Kjo shfaqje ofron një mundësi për të reflektuar mbi rëndësinë e arkitekturës, planifikimit urban dhe trashëgimisë kulturore në zhvillimin e qytetit të Prishtinës. Ajo trajton historinë e arkitektit dhe planifikuesit hapësinor të Prishtinës, Rexhep Luci, i cili ishte pothuajse i vetëm në përpjekjet për të vendosur kontroll urbanistik në Prishtinën e sapoçliruar të pasluftës, që atëherë administrohej nga Misioni i Kombeve të Bashkuara në Kosovë.

Shfaqja ka një dimension bashkëkohor në Kosovë dhe në botë, ku ndërtimet pa leje po i bëjnë vendbanimet tona gjithnjë e më ngulfatëse dhe jo miqësore, duke na ftuar të rimendojmë raportin dhe përgjegjësinë tonë ndaj qytetit të Prishtinës.

Gazeta e njohur turke TEB Oyun e përshkruan kështu shfaqjen: “Prishtina është si një ndërgjegje e shtypur nën blloqe të rënda betoni, aty ku teatri shndërrohet në një hapësirë për vetëreflektim.”

Rezervimi i biletave: Duke dërguar SMS në 044 430 693, ose duke na shkruar në emailin [email protected]

Për të lexuar më shumë për shfaqjen dhe stafin krijues, vizitoni linkun: PRISHTINA. Vrasja e paralajmëruar e një ëndrre