Marlene Schachinger është nga Austria. Ajo ka studiuar Literaturë Krahasuese, Filologji Gjermane, Studime Romake dhe Estetike në Universitetin e Vienës. Që nga 1999 ajo është autore dhe përkthyese e pavarur.

Jan Küveler është nga Gjermania. Ai ka studiuar literaturë në Berlin, Paris dhe Nju Jork. Ai shkruan në pjesën për literaturë, teatër dhe film në gazetën Welt und Welt am Sonntag.

Qendra Multimedia së bashku me TRADUKI dhe Institutin Goethe, Ambasadën e Austrisë në Prishtinë dhe Programin Evropa Kreative të Bashkimit Evropian, ka përzgjedhur gjashtë artistë për rezidencën letrare të Qendrës Multimedia “Prishtina nuk ka lum” 2018.

Këta artistë do të marrin pjesë në program:

Agron Tufa është nga Shqipëria. Ai është poet, autor, përkthyes i gjuhës ruse dhe profesor i gjuhëve letrare të huaja të shekullit XX në Fakultetin Filologjik të Universitetit të Tiranës.

Aleksandra Savanovic është nga Serbia. Ajo ka eksperiencë në shkrimin e propozimeve për projekte, eseve dhe kritikës, analizë dhe rekomandim të politikave publike, tekste teorike si dhe literaturë (prozë). Së fundi, ajo ka përfunduar novelën e saj të parë.

Dan Lungu është nga Rumania. Ai shkruan tregime, dhe është i njohur si poet dhe dramaturg, gjithashtu edhe si teoricien letrar dhe sociolog. Librat e tij jane përkthyer në gjuhën frënge, gjermane, angleze, italiane, spanjolle, polake, sllovene, hungareze, bullgare, greke, norvegjeze dhe turke.

Jasna Šamić është nga Bosnja. Ajo është shkrimtare boshnjake-françeze, autore e librave (poezi, novela, tregime, ese, shkrime hulumtuese, shfaqje teatri) në gjuhën frënge dhe boshnjake. Ajo është fituese e çmimit Stendhal të literaturës frënge (Lauréate du programme Missions Stendhal) në vitin 2008 dhe të çmimit Gauchez- Pillippot në 2014.