Jemi të lumtur të ndajmë me ju programin përfundimtar për edicionin e sivjetëm të Kosovo Theatre Showcase.

Kosovo Theatre Showcase 2023 mbahet ndërmjet datave 24-29 tetor në Prishtinë, Gjilan, Ferizaj dhe Gjakovë. Këtë vit kemi kuruar një program gjithëpërfshirës, i cili prezanton disa nga produksionet më të fundit dhe më të mira të teatrove tona para një audience prej më se 100 mysafirësh nga e gjithë bota, të cilët vijnë nga profile e profesione të ndryshme të teatrit dhe arteve performative. Në program janë të përfshira edhe ngjarje të natyrës diskursive si panelet që kanë për qëllim të ofrojnë hapësirë për reflektim për temat me relevancë në skenën e sotme teatrore në botë si dhe ngjarje të tjera promovuese e rrjetëzuese për artistë të rinj të teatrit.

Këtë edicion, Kosovo Theatre Showcase do të jetë edhe nikoçir i IETM Caravan, një prej programeve më të rëndësishme të rrjetit IETM - rrjet kulturor me më shumë se 500 anëtarë: organizata e artistë individualë të arteve performative nga e gjithë bota.

Shihemi në Kosovo  Theatre Showcase 2023!