Përmes thirrjes për Rezidencat Artistike Reconnection 2.0, të shpallur në kuadër të projektit Reconnection 2.0 të financuar nga Bashkimi Evropian, menaxhuar nga Zyra e Bashkimit Evropian në Kosovë dhe zbatuar nga Qendra Multimedia (Prishtinë) e Heartefact Fund (Beograd), dy punëtorët kulturorë Mina Milosevic dhe Dejan Jovanovic kanë përfituar secili nga një rezidencë artistike në Prishtinë, përgjatë muajit shtator. Të dy përfituesit do të shkëmbejnë përvojat e tyre me artistët në Prishtinë, dhe do të punojnë për së afërmi me ekipin ndërkombëtar të artistëve dhe punëtorëve të tjerë kulturorë të projektit teatror Negotiating Peace.  

Mina Milosevic është dramaturge dhe skenariste. Ka mbaruar studimet themelore për Dramaturgji dhe ato Master për Teori të Dramës dhe Medias në Fakultetin e Arteve Dramatike në Beograd. Ka punuar si dramaturge në shfaqjet: Dr Auslander (E bërë për Gjermani), Festivali BITEF, Teatri i Dramës Jugosllave; Fjalim për kombin (Atelje 212), Orlando (Teatri KOmbëtar i Beogradit), Fantazmat e Ibsenit (Teatri i Dramës Beograd). Ajo ka shkruar disa drama: Lysistrata (Polifonia BITEF), Orët (Fakulteti i Arteve, Mitrovicë, Zveçan). Ka shkruar skenarin e një filmi dokumentar “Si u gatua lufta studentore” (Qendra Kulturore e Studentëve); skenarin e romanit grafik Utopia Feministe (Qendra për Studime të Grave) dhe skenare për filma të shkurtër. Ka shkruar kritika teatrore për platformat SEEStage, Iz Off-a dhe Radio Nezavisna. Shkruan dhe jeton në Beograd.

Dejan Jovanovic është menaxher projektesh dhe operator kulturor me përvojë shumëvjeccare dhe me një histori të shkëlqyer të punës në sferën sfiduese të menaxhimit të projekteve, me më shumë se dy dekada përvojë. Karriera e tij e ka dërguar nëpër vende të ndryshme, kryesisht përbrenda Ballkanit si dhe në Evropë e Shtete të Bashkuara. Përgjatë karrierës së tij, ka organizuar turne teatrore e ngjarje të tjera kulturore për disa kompani të mirënjohura teatore.

Përtej arritjeve profesionale, Dejan jeton dhe vepron në Beograd. Është i martuar dhe prind i dy fëmijëve, që i shton një element personal profilit të tij profesional.