Jemi shumë të lumtur të shpallim programin përfundimtar të edicionit të dytë të Showcase-it teatror të Kosovës i cili sivjet organizohet nga data 31 tetor deri më 4 nëntor në Prishtinë, Gjilan dhe Ferizaj.

Edicioni i dytë i Showcase-it teatror të Kosovës të organizuar nga Qendra Multimedia fillon më 31 tetor, 2019. Risi e këtij edicioni është memorandumi i bashkëpunimit i nënshkruar në mes të Qendrës Multimedia, Teatrit Kombëtar të Kosovës, Teatrit të Gjilanit dhe Teatrit “Adriana” në Ferizaj, i cili i mundëson showcase-it teatror të zgjerojë programin e vet edhe nëpër komuna të tjera të Kosovës.

Përgjatë pesë ditëve, deri më 4 nëntor, në kuadër të showcase-it do të organizohen repriza të shfaqjeve të prodhuara nga Teatri Kombëtar, Qendra Multimedia, Teatri i Gjilanit si dhe Teatri “Adriana” në Ferizaj. Gjithashtu, mysafirët vendorë dhe ndërkombëtarë si dhe publiku i gjerë, përgjatë këtyre ditëve do të kenë mundësi të marrin pjesë në diskutime të cilat organizohen në kaudër të showcase-it, si dhe mbrëmje muzikore.

FINAL_PROGRAM_KOSOVO_THEATRE_SHOWCASE-SHQIP