Janë bërë 13 vjet prej kur festivali letrar polip bashkoi për herë të parë shkrimtarë, përkthyes letrarë, artistë nga e gjithë bota, në një skenë të errët alternative të teatrit në Prishtinë. Që prej atëherë, festivali vit pas viti u nderua me pjesëmarrjen e shumë shkrimtarëve dhe artistëve të tjerë nga kultura e gjuhë të ndryshme. Çka ishte një herë një skenë e errët, u ndriçua nga forca e artit dhe p o l i p i u rrit në një skenë të ndritshme letrare me vëmendje të madhe ndërkombëtare.

Këtë vit, në datat 12 – 14 maj, në teatrin Oda në Prishtinë, do të festojmë edicionin e 13-të p o l i p i t.

Me këtë rast, kemi nderin t’ju ftojmë të na bashkoheni në një program të pasur letrar, i cili jo vetëm se promovon artin, letërsinë dhe përkthimin letrar, por edhe shumëllojshmërinë kulturore dhe bashkëpunimin artistik në procesin e krijimtarisë letrare.

Përkrah leximeve të pasura poetike dhe paneleve tematike, programi i p o l i p pasurohet edhe me performaca muzikore të kangëtarëve dhe grupeve muzikore vendore.

Pjesëmarrja juaj do ta shndërrojë p o l i p  në një tregim të suksesshëm të artistëve dhe artdashësve që takohen për të shkëlqyer së bashku.

Këtu mund të shihni programin e plotë:

https://polipfestival.wordpress.com/program/

Ju mirëpresim!