THIRRJE PËR VULLNETARË/E

Nga data 10-13 shtator, 2021, Qendra Multimedia organizon edicionin e 11-të të Festivalit Ndërkombëtar të Letërsisë – polip, që është ngjarja më e madhe e letërsisë në Kosovë.

Këtë vit, rreth 30 shkrimtarë e artistë nga rajoni dhe bota do të vijnë në Prishtinë për të lexuar nga veprat e tyre si dhe për të diskutuar mbi çështje të rëndësishme politike, sociale, letrare e artistike.

Ne jemi duke kërkuar 5 vullnetare/ë të cilat/ët do të angazhohen në organizimin e festivalit, gjatë atyre tri ditëve.

Profili i dëshirueshëm i anëtarëve/eve të polip-it:

Të jeni student/e apo i/e diplomuar në letërsi apo shkrimtar/e i/e ri/re apo i/e apasionuar

pas artit.

Vullnetarëve të përzgjedhur do t’u kompenzohen nga 50 euro (për tri ditë) si dhe do t’u ipen nga 15 libra të botuara nga Qendra Multimedia.

Ju lutem të na shkruani një letër motivimi, ku i cekni edhe cilat gjuhë i njihni, në adresën: [email protected], më së largu deri me 30 gusht, 2021.

Shihemi n’polip!