Në kuadër të aktiviteteve në përmirësimin e kushteve në teatër dhe sigurimit të qëndrueshmërisë së institucioneve publike dhe të pavarura teatrore në Kosovë, Qendra Multimedia do të mbajë trajnim të profesionistëve të ardhshëm në fushën e dizajnit të dritave. 

Trajnimi do të mbahet në periudhën kohore 15-26 janar, 2023 dhe do të udhëhiqet nga Yann Perregaux Dielf, dizajner i dritave nga Zvicra. Në trajnim do të marrin pjesë kandidatë nga Gjilani, Ferizaj, Podujeva, Prishtina dhe Prizreni. Pas trajnimit, të gjithë pjesëmarrësit do të angazhohen në punë praktike në fushën e ndriçimit dhe dizajnit të dritave nëpër teatrot përkatëse të komunave të lartpërmendura.

Trajnimi i profesionistëve në fushën e ndriçimit për treatër dhe dizajnit të dritave zbatohet nga Qendra Multimedia në bashkëpunim me Teatrin e Qytetit të Gjilanit dhe mbështetet nga Swiss Agency for Cooperation and Development.