Më 23 korrik, shfaqja jonë The Handke Project do të luhet në teatrin Adelaide Ristori në Itali, në kuadër të festivalit Mittelfest, i cili sivjet shënon edicionin e 31-të.

Premiera italiane e shfaqjes sonë - një kritikë e hapur ndaj Peter Handkes, laureatit të çmimit Nobel për letërsi i cili njihet për qëndrimet e tij kontraverse si mohues i gjenocidit në Srebrenicë - përkon edhe me 27 vjetorin e gjenocidit kundër 8372 boshnjakëve civilë në Srebrenicë.

Handke Project është një performancë teatrore për shkrimtarin që me librat dhe qëndrimet e tij ka fabrikuar e ka përmbysur faktet e luftërave në ish Jugosllavi; ka nxitur dhe përkrahur ideologjinë e ‘tokës së djegur’, si dhe u ka thurur elozhe poetëve e filmbërësve militantë, të konvertuar në ‘inxhinierë të projekteve gjenocidale’.