Era, një vajzë pesëvjeçare, i jeton e lumtur ditët e saj fëmijërore me prindërit. Problemet e saj fillojnë kur në familje vjen motra e saj e vogël, për të cilën Era fillimisht gëzohet, por më pas i duket sikur Bebushi po ia merr dashurinë e prindërve. Xhemi Kaçadremi, djaloshi nga përrallat, e ndihmon Erën ta përballojë situatën e re në familje dhe ta pranojë motrën e saj të vogël.

“Era, Bebushi dhe Xhemi Kaçadremi” e autores Dituri Neziri është një dramë e cila ka dalë nga punëtoria për shkrimtarë për drama për fëmijë, e organizuar nga Qendra për Zhvillimin e Teatrit për Fëmijë (Qendra Multimedia).