NEGOTIATING PEACE
Qendra Multimedia, në bashkëpunim me Teatrin e Pergolas (Itali); Festivalin euro-scene Leipzig (Gjermani); Teatrot e Qytetit Pragë (Çeki); R.A.A.A.M (Estoni); Mittelfest (Itali); Kontakt (Bosnjë dhe Hercegovinë); Black Box Teater (Norvegji) dhe My Balkans (SHBA/Serbi) prezantojnë:
NEGOTIATING PEACE
Premiera: 16 tetor, 2023, Teatri ODA, Prishtinë
Nga: Jeton Neziraj Regjia: Blerta Neziraj Aktorë: Shkumbin Istrefi, Ema Andrea, Harald Thompson Rosentrøm, Ejla Bavcic, Martin Kõiv, Melihate Qena, Orest Pastukh Kompozitor: Ardo Ran Varres Skenografe: Agata Skwarczyńska Kostumograf: Blagoj Micevski Koreograf: Gjergj Prevazi Dramaturge: Mina Milošević Video Besim Ugzmajli Dizajnerë të dritave: Yann Perregaux, Agata Skwarczyńska Asistent i regjisë: Sovran Nrecaj Përkthimi: Suzana Vuljevic Drejtore arti: Aurela Kadriu Mbështetje zhvillimore: Sven Skoric Menaxher i turneut: Dejan Jovanović Rrjetëzimi ndërkombëtar: Maud Dinand PR & Komunikim: Mobius Industries Audio: Bujar Bekteshi Koordinator teknik: Lulzim Rexha Asistente të produksionit: Flaka Rrustemi & Verona Koxha
RRETH SHFAQJES
Negocimi i paqes pas konflikteve të armatosura është sfidë komplekse diplomatike. Në disa raste, arrihen marrëveshje të paqes; në disa të tjera, paqja e plotë nuk arrihet kurrë ose thjesht mbetet një marrëveshje në letër. Luftat dhe konfliktet e shumta, ngrisin pyetje të shumështresuara dhe lënë prapa paqartësi, të cilat e bëjnë paqjen të vështirë.
Duke u nisur nga negociatat e paqes, duke përfshirë marrëveshjen e Dejtonit, marrëveshjet në Irlandën Veriore dhe ato të Lindjes së Mesme, bisedimet politike — ende pa shumë rezultat — ndërmjet Kosovës dhe Serbisë dhe duke e paramenduar si do të duket fundi i luftës ndërmjet Rusisë dhe Ukrainës, Qendra Multimedia ka bërë bashkë një ansambël pan-evropian për të krijuar NEGOTIATING PEACE. Ky produksion është krijuar me artistë dhe grupe teatrore nga Ukraina, Kosova, Serbia, Bosnja dhe Hercegovina, Italia, Çekia, Shqipëria, Maqedonia e Veriut, Norvegjia, Polonia dhe Estonia.
E frymëzuar nga libri I Richard Holbrooke “To End a War” dhe “Gjenerali i Ushtrisë së Vdekur” i Kadaresë, NEGOTIATING PEACE tenton të ballafaqojë publikun me prapavijat, sfidat, frikat dhe shpresën që e shoqërojnë arritjen e një marrëveshjeje të paqes si dhe diskuton tema të rëndësishme: Kush mund të negociojë paqen? A u takon politikanëve legjitimeti për të bërë një gjë të tillë? A pajtohen vërtet njerëzit e zakonshëm pas nënshkrimit të ‘aktit të paqes’ në emrin e tyre? A mund të ketë falje kolektive, apo falja është akt individual?
Regjinë e Negotiating Peace e ka bërë regjisorja e Qendrës Multimedia, Blerta Neziraj, në stilin e saj të gjallë e goditës, që prekë temat politike në mënyrë direkte. Në një fjalë për produksionin, Blerta ka thënë, “Gjëja kryesore në të cilën përqendrohemi në këtë shfaqje është: Nëse lufta i ka demonët e vet që i çojnë njerëzit drejt shkatërrimit e mjerimit, çfarë ka paqja? Kush është antipodi i demonëve të luftës?! A janë emisarët e paqes? Udhëheqësit politikë që marrin guximin të nënshkruajnë marrëveshjet e paqes? Apo njerëzit e zakontë, të mbijetuarit, të cilët e kanë paguar çmimin më të madh në luftë.”
DATAT E TURNEUT:
Premiera: 16 tetor, 2023 – Teatri ODA, Prishtinë
19 tetor, 2023 – Teatri ODA, Prishtinë
20 tetor, 2023 – Teatri i Qytetit të Gjilanit
21 tetor, 2023 – Teatri Shqiptar Shkup (Maqedoni e Veriut)
23 tetor, 2023 – Teatri “Adriana” i Qytetit të Ferizajt
25 tetor, 2023 – Teatri ODA, Prishtinë (Kosovo Theatre Showcase)
8 & 9 nëntor, 2023 – euro-scene Leipzig (Gjermani)
11 nëntor, 2023 – Theater im Pumpenhaus – Münster (Gjermani)
13 & 14 nëntor, 2023 – Prague City Theaters (Çeki)
9 dhjetor, 2023 – Teatri Kombëtar i Tiranës (Shqipëri)
11 dhjetor, 2023 – Teatri ODA, Prishtinë (Kosovë)
13 dhjetor, 2023 Ujvideki Szinhas, Novi Sad (Serbi)
Financuar nga:
National Endowment for Democracy (NED), Allianz Foundation, The Sigrid Rausing Trust, European Union in Kosovo, Ministry of Culture of Kosovo, Rockefeller Brothers Fund, Goethe Institute, City of Prague, Fond for Utøvende Kunstnere.
