Kosovo Theatre Showcase rikthehet në Prizren, Kosovë, më 6–8 nëntor 2026, me një edicion të veçantë që ndërtohet mbi traditën e tij si një platformë e rëndësishme ndërkombëtare e teatrit, duke hapur njëkohësisht një kapitull të ri në zhvillimin e tij.

Programi i këtij viti do të ndërthurë produksione të përzgjedhura teatrore nga Kosova dhe rajoni me një konferencë ndërkombëtare të teatrit, nën temën:

[DE]KONTAMINIMI I SË VËRTETËS: A mund ta pajtojë teatri kontradiktën mes të vërtetave? Nëse po, me çfarë kostoje?

Showcase do të prezantojë, ndër të tjera, këto shfaqje:

• Unrecognized nga Data Tavadze (Gjeorgji)
• Kosovo Trilogy in Two Parts nga Blerta Neziraj (Kosovë)
• They Are All Gone nga Andrej Nosov (Serbi)

Konferenca do të mbledhë profesionistë të teatrit dhe folës të njohur, ndër të cilët Mark Ravenhill (Mbretëria e Bashkuar), Sebastian Nübling (Gjermani), Natasha Tripney (Mbretëria e Bashkuar), Data Tavadze (Gjeorgji), si dhe shumë të tjerë, emrat e të cilëve do të bëhen të ditur në vijim.

Programi do të përfshijë gjithashtu një Punëtori Ndërkombëtare për Dramaturgji me Mark Ravenhill, ku punimet e zhvilluara gjatë workshop-it do të prezantohen në një format të përmbledhur si pjesë e programit të festivalit.

Programi zyrtar fillon të premten, më 6 nëntor, pas orës 17:00, dhe përfundon të dielën, më 8 nëntor 2026.

Pjesëmarrësit këshillohen të planifikojnë mbërritjen në Prizren më 6 nëntor dhe kthimin më 9 nëntor.

Regjistrimi është i hapur

Regjistrohuni tani për Kosovo Theatre Showcase 2026 dhe bëhuni pjesë e këtij edicioni të veçantë në Prizren.

→ Regjistrohuni tani

Rezervojini datat dhe bëhuni pjesë e tri ditëve kushtuar teatrit, dialogut dhe shkëmbimit artistik ndërkombëtar në Prizren, Kosovë.