Qendra Multimedia shënon ditën ndërkombëtare të librit në Ferizaj dhe Prishtinë

23 prill 2018

Për nder të Ditës Ndërkombëtare të librit, në kuadër të projektit Kultura për Ndryshim, Qendra Multimedia organizoi dy aktivitete.

Aktiviteti në Ferizaj është mbajtur prej orës 13:00, në bibliotekën e qytetit “Sadik Tafarshiku”

Shkrimtarët mysafirë ishin: Bardh Frangu, Besnik Jaha dhe Dije Demiri. Ata lexuan pjesë nga veprat e tyre më të hershme dhe cituan thënje të autorëve të njohur sa i përket librave dhe rëndësisë së leximit në arsimim dhe demokraci.

Aktiviteti u moderua nga Artë Retkoceri, pjesëtare e ekipit të projektit Kultura për Ndryshim.

Pas leximit, nxënësit dhe poetët zhvilluan një diskutim rreth zhvillimit të poezisë si një formë e artit në Kosovë, rreth poetëve të famshëm vendor dhe ndërkombëtar si dhe kuptimit të poezive të autorëve.

Aktiviteti në Prishtinë u mbajt prej orës 20:00, në hapësirën e Qendrës Multimedia

Shkrimtarët mysafirë ishin: Arbër Selmani, Ardiana Shala, Edi Shukriu, Genc Kadriu dhe Sibel Halimi. Aktiviteti u moderua nga Lura Limani, kryeredaktore e gazetës Prishtina Insight në gjuhën angleze.

Gjatë pjesës së lexmit, autorët recituan pjesë nga veprat e tyre të më hershme dhe ato më të fundit. Diskutimi u zhvillua rreth inspirimit për të shkruar si dhe përdorimi i gjuhës gjatë shkrimit të poezisë.

Pas diskutimit, publiku u argëtua me muzikë nga grupi String String.

Projekti Kultura për Ndryshim është i financuar nga BE dhe i menaxhuar nga Zyra e BE-së në Kosovë, ndërsa implementohet nga Qendra Multimedia dhe Instituti Goethe.