FUNDJAVA E QENDRËS MULTIMEDIA NË PARIS
Një fundjavë e plotë është rezervuar për dy shfaqjet e Qendrës Multimedia “Kthimi i Karl Majit” dhe “The Handke Project”.
Shfaqjet do të luhen më 9 dhe 10 nëntor në Theatre Studio - Alfortville në terminet e mëposhtme:
9 nëntor
10 nëntor
Biletat mund të blihen këtu.
“Kthimi i Karl Majit” është prodhim i Qendrës Multimedia në bashkëpunim me Teatrin Volksbuhne të Berlinit, ndërsa është dhënë premierë në Teatrin Kombëtar të Kosovës në Prishtinë në tetor të vitit 2020, teksa “The Handke Project” është prodhim i Qendrës Multimedia në bashkëpunim me Teatrin Kombëtar të Pergolas dhe Festivalin Mittelfest (Itali), Teatrin e Dortmundit (Gjermani), Teatrin Kombëtar të Sarajevës & Festivalin Scene MESS (Bosnjë dhe Hercegovinë), ndërsa është dhënë premierë në qershor të vitit 2022.
Të dy shfaqjet kanë pasur turne të suksesshëm në teatro prestigjioze në Gjermani, Itali, Çeki, Rumani, Austri, Bosnjë e Hercegovinë, Serbi, Maqedoni e Veriut, Shqipëri, ndërsa këtë herë në një ngjarje të veçantë do të luhen së bashku në Teatrin Studio në Paris.
Të dy shfaqjet janë me tekst të Jeton Nezirajt dhe regji të Blerta Nezirajt, ndërsa tek “Kthimi i Karl Majit” luajnë Edona Reshitaj, Adrian Morina, Armend Smajli, Ylber Bardhi e Shpëtim Selmani, teksa tek “The Handke Project” luajnë Arben Bajraktaraj, Ejla Bavcic, Adrian Morina, Anja Drljevic dhe Verona Koxha.
